- 723 -

1447. Nov. 17.

Vnsern willigen dinst zuuor. Hochgeborne furstynne gnedige frawe, wir bitten ewir gnade zu bestellen, vnd die ewern vom lande vnd stat zu Legnicz zu vns ken Breslaw off den montag nehstekomende schicken vnd senden, das die zu dem bunde sweren vnd tuen als vil als recht vnd gewonlichen ist, off denselben montag ane lenger offczoge. Geben des freitages vor santte Elisabeth tage der heiligen frawen. Anno etc. XLVII°.
Ratmanne zu Breslow ewir gnoden willige diner.

Rückaufschrift: Der hochgeb. furst. vnd frawen, fr. Elisabeth herczog. zu Legnicz etc.

Orig. Kgl Bibl z. Berl. Ms. Boruss. f. 567. No. 26.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866